Dövlət qulluqçusunun dövlət orqanlarındakı xidməti fəaliyyətidir.

Dövlət qulluğuna qəbul müsabiqə əsasında həyata keçirilir. Müsabiqə test imtahanı və müsahibə mərhələsindən ibarətdir. Hər 2 mərhələdən uğurla keçən namizəd 5 iş günü ərzində dövlət qulluğu vəzifəsinə təyin olunmaq üçün dövlət orqanının rəhbərinə təqdim olunur.

İmtahanların tarixi rəhbər (A növü) və ya mütəxəssis (B növü) vəzifələri üçün ayrıca elan edilir. Hər iki vəzifə növü üçün imtahan 1 aydan bir təşkil edilir.

İmtahanda iştirak etmək üçün yalnız ali təhsil haqqında sənəd (diplom) tələb edilir. Ali təhsili olmayan şəxslər inzibati vəzifələr üzrə dövlət qulluğu imtahanlarında iştirak edə bilməzlər.

B növü üzrə BB və BA qrupları mövcuddur. Hər qrupun tərkibində 4 müxtəlif altqrup vardır ki, bu da imtahan balına əsasən müəyyən edilir.

Bu qruplar bir-birindən tədris proqramına, imtahandakı sualların tipinə, imtahan balına və aid olduqları vəzifələrə görə fərqlənir.

Dövlət qulluğuna qəbul imtahanı üzrə proqram 4 fənni əhatə edir. Bunlar qanunvericilik, məntiq, informatika və Azərbaycan dilidir.

İmtahan BB və BA qrupları üzrə 100 sualdan ibarətdir. BB qrupunda bütün suallar qapalıdır və hər biri 1 baldır, BA qrupunda isə sualların bir qismi (20 sual) açıq sualdır və onlar 2 bal, qapalı suallar isə 1 baldır. İmtahanın müddəti 3 saatdır.

BB qrupunda maksimum bal 100, keçid balı isə 65-dir.

İmtahandakı balınıza əsasən altqruplar müəyyən edilir: 

65-70 bal - BB4; 

70-75 bal - BB3; 

75-80 bal - BB2; 

80+ bal - BB1. 

BA qrupunda maksimum bal 120, keçid balı isə 84-dür. 

İmtahandakı balınıza əsasən altqruplar müəyyən edilir: 

84-90 bal - BA4; 

90-96 bal - BA3; 

96-102 bal - BA2; 

102+ bal - BA1.

İmtahana hazırlıq müddəti namizədin potensialına əsasən dəyişir. 2 və ya 3 aylıq hazırlıq proqramı mövcuddur. 4 fənn üzrə paket şəklində ödənişin məbləği onlayn tədris üçün 199 AZN-dir. Daha ətraflı məlumat üçün: https://wa.me/994505580185

Hüquq Hazırlıq Mərkəzi MMC tərəfindən təşkil edilən tədris proqramına əsas və əlavə dərslər, bütün dərslərin videoları, ödənişsiz tədris materialları, testlər və sınaq imtahanları daxildir.

İmtahanı uğurla başa vuran şəxslər imtahan balına əsasən altqruplar üzrə dövlət qulluğu sertifikatı əldə edir. Namizəd növbəti mərhələdə sertifikatının dərəcəsinə, ixtisasına və stajına uyğun olan müsahibələrdə iştirak etməlidir.

Dövlət İmtahan Mərkəzi tərəfindən mütəmadi olaraq müsahibə elanları verilir. Bu elanlardan namizəd özünə uyğun olanı seçir və qeydiyyatdan keçir. Qeydiyyatdan keçdikdən sonra müsahibə vaxtı təyin edilir və namizədə bildiriş göndərilir.

Bu linkə daxil olaraq filter əsasında özünüzə uyğun olan müsahibə elanlarını axtara bilərsiniz. 

Axtarışla bağlı çətinliyiniz varsa əlaqə üçün buraya klikləyin

Müsahibə proqramı 3 hissəyə ayrılır: 

Ümumi proqram (imtahandakı qanunvericilik mövzuları) 

Vəzifə proqramı (vəzifə üzrə qanunvericilik aktları) 

Dünyagörüşü. 

Müsahibə mərhələsində maksimum bal 20, keçid balı isə 16-dır.

Bu mərhələdən uğurla keçən bütün namizədlər 5 iş günü ərzində dövlət qulluğu vəzifəsinə təyin edilmək üçün dövlət orqanının rəhbərinə təqdim edilir. Namizədlər arasından müsabiqə balı yüksək olan, bu bərabər olarsa daha yüksək təhsil pilləsini bitirən, bu eyni olarsa təhsilini fərqlənmə ilə başa vuran, bu da eyni olarsa xarici dil bilikləri daha yaxşı olan şəxs vəzifəyə təyin edilir. Digər namizədlər isə ehtiyat kadrlar siyahısına əlavə edilir və onların adları 2 il bu siyahıda saxlanılır. Bu müddət ərzində dövlət orqanlarında namizədə uyğun boş vakant vəzifə yaranarsa onunla əlaqə saxlanılır və həmin vəzifəyə təyin edilir.

Müsahibə hazırlığı 2 aylıq proqramdır və onlayn şəkildə təşkil edilir. Ödənişin məbləği 350 AZN-dir, öncədən edilir və bütün proqramı (2 ayı) əhatə edir.